AQShda iroqlik talabani telefon orqali arab tilida gaplashgani uchun samolyotdan tushirib yuborishdi. Bu haqda The New York Times xabar bergan.
Voqea Southwest Airlines aviakompaniyasining Los-Anjyelesdan Oklendga yo‘l olayotgan samolyoti bortida sodir bo‘lgan.
Kaliforniyaning nufuzli universitetida ta'lim oluvchi 26 yoshli Hayruldin Mahzumiy Iroqdagi amakisiga qo‘ng‘iroq qilgan. O‘zining aytishicha, u amakisiga shaxsan BMT bosh kotibi qatnashgan tadbir xususida so‘zlab bermoqchi bo‘lgan. Lekin uning yonida o‘tirgan yo‘lovchiga Mahzumi xatarli tuyulgan. Oqibatda ekipaj a'zolari: “Siz nega samolyotda arab tilida gaplashdingiz?” degan savol bilan samolyot bortini tark etishni so‘rashgan.
“Islamofobiya bu mamlakatni mana nima ko‘ylarga soldi”, - noroziligini ma'lum qildi Mahzumi, u bilan “xuddi hayvondek” muomila qilishganidan ranjib.
Bu yil boshidan buyon musulmonlar bilan Amerika avialiniyalarida sodir bo‘lgan yettinchi holat hisoblanadi.