AQSh ham, Fors ko‘rfazi davlatlari ham Eron bilan ixtilofga borishdan manfaatdor emas, deb aytdi AQSh prezidenti Barak Obama.
"Bizning davlatlardan birortasi Eron bilan ixtilofga borishdan manfaatdor emas", deb Obamaning "AQSh-Fors ko‘rfazi" sammiti yopilishida aytgan so‘zlarini "Frans Press" agentligi keltirib o‘tdi.
Obama Ar-Riyodga 20 aprelda yetib keldi va shu kunning o‘zida Saudiya Arabistoni qiroli Salmon ibn Abdulaziz al-Saud bilan ikki soatlik muzokaralar o‘tkazdi. Obama muzokaralar davomida Fors ko‘rfazi davlatlarining Eronning bu mintaqadagi siyosatidan xavotirlanayotganlarini tushunishini bildirdi.