Dunyodagi eng katta kruiz layneri Harmony of the Seas Buyuk Britaniyaning Sautgempton shahri portiga yetib keldi, deb xabar bermoqda The Telegraph nashri.
Kema Sautgemptonda bortiga ilk yo‘lovchilarni olib, so‘ngra yo‘lini davom ettiradi.
Laynerning suv sig‘imi 227,5 ming tonnani, eni 66 metrni, uzunligi 362 metrni tashkil qiladi. Kema 6,4 minggacha yo‘lovchi va ekipajning 2 mingdan ko‘proq a'zosini sig‘dira oladi.
Avvalroq kema Fransiyaning San-Nazer shahri portidan o‘zining birinchi sayohatiga jo‘nagani ma'lum qilingandi.
