11:54 / 18.05.2016
17007

«'»: Xovan qabristonidagi janjal birgina qabr sabab sodir bo‘lgan

Mokvaning Xovan qabristonida yuz bergan va 3 nafar kishining yostig‘ini quritgan janjal, jinoiy ish ishtirokchilaridan biri va qabristonda noqonuniy ishlayotgan tojikistonlik o‘rtasida kelib chiqqan tortishuvdan kengayib ketgan, deb yozmoqda «Kommersant'» gazetasi. 

Nashrning axborotlariga ko‘ra, gumondorlar vakillari shunday taxminni ilgari surishmoqda. Qabristonning sobiq direktori Yuriy Chabuyev munosabatlarni oydinlashtirib olish ishlariga barham berish maqsadida tortishuvga aralashgan, ammo kech bo‘lgan. 

Gumondorlar vakillarining so‘zlariga ko‘ra, tortishuv ayblanuvchilardan birining qarindoshi qabri tojikistonliklar tomonidan yetarli darajada sifatli obodonlashtirilmagani sabab kelib chiqqan. Buyurtmachi ish haqini to‘lashdan bosh tortgach, keyingi kun qabrni yanada yomonroq holatda ko‘rgan, deb hikoya qilishgan ayblanuvchilar vakillari. 

Bu kabi ishlarni, pulni to‘lamagani uchun tojikistonliklarning o‘ch olishi, deya gumon qilgan erkak, qabristonga sambochi do‘stlarini taklif etgan. Ularning qabriston va uning atrofidagi bozorda noqonuniy faoliyat yurituvchi tojikistonliklar jamoasining kattalari bilan uchrashuvi esa, tomonlarning bir-biriga do‘q-po‘pisasi bilan poyoniga yetgan. 

Manbalarning aytishicha, ayni vaqtdan boshlab, ziddiyat ochiqcha dushmanlikka aylangan. «Sportchilar» va tojikistonliklar diasporasi vakillari o‘rtasidagi hal qiluvchi uchrashuv 14 mayga belgilanadi. 

Noqonuniy muhojirlarga yangi talablar qo‘yilgan: ular qabriston atrofida yodgorliklar va temir qafaslar tayyorlash sexlari, gullar sotish nuqtalariga ega bo‘lgani va bir kunlik savdo aylanmasi taxminan 4 million rublni tashkil etgani bois, "sambochilar" ziddiyatdan unumli foydalanib qolishga ahd qilishgan va ulush berib turish yoki joyni bo‘shatishdan birini tanlashni taklif etishgan.

Top