Ikki kishining sohilda quchoqlashib tushgan surati internet foydalanuvchilari orasida ko‘plab bahslarga sabab bo‘ldi. Bu haqida Mashable ma'lum qildi.
Reddit saytiga joylashtirilgan surat optik illyuziya tufayli internetda mashhur bo‘lib ketdi. Suratda qiz va yigit bir-birini quchoqlab tushgan, ammo shortiklarning noodatiy rangi sabab xuddi ular oyoqlari bilan "almashib olgan"dek tasavvur paydo bo‘ladi.
Ushbu suratli postni deyarli 2 million foydalanuvchilar ko‘zdan kechirdi.
Izoh bildirgan foydalanuvchilar suratda old tomonda kim va orqada kim turgani borasida aniq bir qarorga kela olishmayapti.