Bablu ismli hindistonlik lokal gigantizmdan aziyat chekadi - bu kasallik natijasida uning bir qo‘li misli ko‘rilmagan darajada o‘sib ketdi: uning o‘ng qo‘li 20 kilogrammni tashkil qiladi.
Qo‘shnilari unga "shaytonning urug‘i" deb laqab qo‘yishdi.
25 yoshli hindistonlik yigitdan oilasi ham voz kechgandan keyin u uyini tark etishga majbur bo‘ldi hamda Mumbayga jo‘nab ketishga qaror qildi.
Mahalliy jurnalist u bilan bir necha soatni birga o‘tkazib, Bablu har kuni duch keladigan qiyinchiliklar haqida yozdi.
"Men ulkan shaharning million aholisi orasida u qadar ko‘zga tashlanmayman deb o‘ylardim, biroq bu yerda ham xuddi shunday munosabatga yo‘liqdim, chunki odamlar qo‘limning bahaybatligidan qo‘rquvga tushishmoqda", - deya so‘zlab berdi Bablu.
Yigit bunday qo‘l bilan ish topish juda qiyin masala ekanligidan arz qildi.
