O‘zbekiston sog‘liqni saqlash vazirligining suzish havzalaridagi sanitarik-gigenik sharoitlarni nazorat qilish borasidagi UZ24 nashri bergan savoliga javobini yodga oldi.
Boshqarma ma'lumotlariga ko‘ra, hovuzlarni tekshirish muayyan jadval asosida va mijozlar sanitarik-gigenik holatdan shikoyat qilgan taqdirda amalga oshiriladi.
Hovuzni tekshirishda quyidagilarga e'tibor qaratiladi:
- aktda keltirilgan kamchiliklarni bartaraf etish bo‘yicha ishlarni amalga oshirish va ishlab chiqarish labaratoriya nazorati natijalari bo‘yicha registratsiya jurnalini yuritish;
- mijozlar harakatini tashkillashtirishga rioya qilish;
- tashrif buyuruvchilar uchun hovuzdan foydalanish qoidalarining mavjudligi;
- havoning mikroiqlim parametrlari;
- dush xonalari, oyoq vannalari va hojatxonalarning ahvoli;
- hovuzning suv bilan to‘ldirilish darajasi;
- resirkulyar tizimda ishlovchi hovuzlarda filtrlarni yuvishni hisobga olish;
- ishga kirish paytidagi hamda undan keyingi muntazam ravishda o‘tkaziladigan tibbiy ko‘rikdan o‘tganlik to‘g‘risidagi tibbiyot daftarchalari.
Agar hovuzga tashrif buyuruvchilarning u yerdagi sanitar-gigenik holatga shikoyati bo‘lsa, Sog‘liqni saqlash vazirligi avval hovuz rahbariyatiga uchrashishni maslahat beradi, hech qanday chora ko‘rilmagan taqdirda Davlat epidemiologiya markaziga murojaat qilish tavsiya qilinadi.