AQSh prezidentligiga Respublikachilar partiyasidan nomzod bo‘lgan Donald Tramp 2011 yili o‘ldirilgan Liviya rahbari Muammar Qazzofiy bilan uning o‘limidan oldin tuzilgan kelishuv orqali kattagina pul ishlab olgani haqida aytib o‘tdi. Bu haqda Associated Press xabar tarqatdi.
"Shuni unutmangki, men yagonaman. Axir men Muammar Qazzofiyning jaraq-jaraq pullarini olganman, agar eslasangiz", degan u CBS uchun bergan intervyusida.
Milliarderning aytishicha, Qazzofiy AQShga kelganida unga yashash uchun joy kerak bo‘lgan va u shu masalada aynan Donald Trampga murojaat qilgan.
Gap 2009 yili Qazzofining Donald Trampga tegishli mulkda chodir o‘rnatib yashagani haqida ketmoqda.