O‘zbekistonning janubiy qismidagi viloyatlarda havo harorati isishda davom etmoqda.
Surxondaryo viloyati ma'muriy markazi hisoblangan Termiz shahrida 8 iyun kuni havo harorati +44 darajagacha isidi, deya xabar bermoqda «O‘zgidromet» markazi.
Bu orqali 1995 yilning yozida qayd etilgan +43,4 darajali rekord yangilangan.
Bunday issiq harorat keyingi kunlarda ham saqlanib qolishi kutilmoqda.
8 iyun kuni Toshkent shahrida +39-41 daraja issiq bo‘ldi. Eng issiq harorat Surxondaryodan tashqari Buxoro, Navoiy va Qashqadaryoda kuzatilmoqda. Bu viloyatlarda ham harorat +44 darajagacha ko‘tarilishi mumkin.