Anchelottining o‘g‘li «Bavariya»da jismoniy tayyorgarlikka javob beradi
«Bavariya» klubining yangi bosh murabbiyi Karlo Anchelotti murabbiylar shtabini shakllantirib bo‘lgan.
Uning shtabida uzoq yillik yordamchisi Pol Klement bo‘ladi. U Anchelotti bilan «Chelsi», «Real» va «PSJ»da birga ishlagan. U 2015 yili «Derbi Kaunti»ni boshqara boshlagan, 2016 yilning fevralida jamoani tark etgandi.
Shuningdek, klub shtabida Herman Herland ham qoladi. U Gvardiola, Xaynkes va Lui van Gaal vaqtida ham klubda bo‘lgan.
Jismoniy tayyorgarlik bo‘yicha murabbiylikka Jovanni Mauri tayinlanadi. U «PSJ»da Anchelottiga yordamchi bo‘lgan. Bundan tashqari, otasi bilan «Real»da birga ishlagan Davide Anchelotti ham shtabga kiritiladi.