Rossiya FVVga qarashli bo‘lgan va Irkutsk viloyatida halokatga uchragan Il-76 samolyoti ekipaji hamda yo‘lovchilarining barchasi halok bo‘lgan. Bu haqda FlashSiberia xabar tarqatdi.
«Bortda bo‘lganlarning barchasi halok bo‘lgan», — deyilgan manbada.
Manbaning qo‘shimcha qilishicha, voqea joyida tergov qo‘mitasi vakillari va prokuratura ish olib bormoqda.
Bundan oldinroq qutqaruvchilar Il-76 samolyotida bo‘lganlarning 6 nafari jasadi qoldiqlari topilgani haqida xabar berilgandi.