Fransiya terma jamoasi bosh murabbiyi Dide Desham 2016 yilgi Yevropa chempionati finalida Portugaliyadan 0:1 hisobidagi mag‘lubiyatga izoh berdi.
"Biz o‘z uyimizda Yevroni yutish kabi noyob imkoniyatni qo‘ldan chiqardik. Katta umidsizlik his qilmoqdaman, aytishga so‘zim yo‘q. Bundan o‘tish uchun vaqt kerak. Biz birga g‘alaba qildik va birga yutqazdik. Frantsuzlarga unvonni keltirish ajoyib bo‘lardi, biroq biz buning uddasidan chiqmadik", deb aytdi Desham.