Milanning «Inter» jamoasi MLS chempionati vakili bo‘lgan «Real Solt-Leyk» jamoasiga qarshi o‘rtoqlik uchrashuvi o‘tkazdi. O‘yin davomida mag‘lub bo‘lib turgan milanliklar Danilo D’Ambrozioning goli evaziga hisobni tenglashtirdi. Chernogoriyalik hujumchi Stevan Yovetich esa kamdan-kam uchraydigan uslubda gol urib, g‘alaba keltirdi.
U bu vaziyatda raqib jarima maydoni ichida 2 himoyachi va darvozabon qurshovida turgan holda to‘pni tovoni bilan raqib darvozasiga yo‘naltirdi.
Yuta shtatining Sendi shahrida kechgan o‘yinda hisobni ochuvchi golga amerikalik Jordan Allen mualliflik qilgandi.