AQShlik yuguruvchi Kendra Xarrison to‘siqlar bilan 100 metrga yugurish bo‘yicha yangi jahon rekordi o‘rnatdi, deb xabar bermoqda Reuters axborot agentligi. Xarrison Londondagi Olmos liganing 10-bosqichida ushbu masofani 12,20 soniyada o‘ta oldi va avvalgi rekordni 0,01 soniyaga yaxshilay oldi. 2-o‘rin va 3-o‘rinni uning yurtdoshlari Brianna Rollins (12,57) va Kristi Kastlin (12,59) egalladi. Shu tariqa yugurishning bu turida g‘oliblar shohsupasini to‘liq AQSh vakilalari egallashdi.
Avvalgi jahon rekordi bolgariyalik yengil atletikachi Yordanka Donkovaga tegishli bo‘lgan. Sportchi bu rekordni 1988 yil 20 avgustda o‘rnatgandi. U bu masofani 12,21 soniyada yugurib o‘tgandi.
