12:33 / 25.07.2016
15054

O‘zbekiston va Xitoy yangi gaz kelishuvini tayyorlamoqda

O‘zbekiston va Xitoy hukumatlari yangi gaz kelishuvini tayyorlash bo‘yicha muzokaralarni boshlab yubordi, deb xabar qilmoqda Sputnik agentligi XXR tijorat vazirligidagi manbaga tayangan holda. 

Manbaning qayd etishicha, muzokaralar boshlang‘ich bosqichda turibdi va hozircha u faqat 2017 yil uchun tuziladimi yoki uzoq muddatli shartnoma bo‘ladimi noma'lumligicha qolmoqda. 

«Kelishuvning muddati gaz narxi va uning hajmiga bog‘liq bo‘lib, uning muddati borasida aniqlik yo‘q», -degan manba. 

«O‘zbekiston so‘nggi ikki yilda Xitoyga gaz yetkazib berish hajmini ko‘paytirdi. Shunga ko‘ra, yangi kelishuvni tayyorlashda biron jiddiy muammo paydo bo‘ladi, deb o‘ylamayman. Bizning mamlakatlarimiz strategik hamkorlar hisoblanadi», - degan agentlik manbasi.

Top