16:00 / 16.08.2016
6486

Xitoy yirik aksilterror o‘quv mashg‘ulotlari o‘tkazdi

Xitoy armiyasi XXR Shinjon-Uyg‘ur muxtor viloyatida keng qamrovli harbiy o‘quv mashg‘ulotlari o‘tkazdi, deya xabar qilmoqda mamlakat mudofaa vazirligi. 

11-15 avgust kunlari bo‘lib o‘tgan mashg‘ulotlarda 3 mingga yaqin harbiy xizmatchi ishtirok etgan. Sinxua agentligi xabariga ko‘ra, mashg‘ulotlar chog‘ida 21 turdagi yuqori texnologiyali qurollar, xususan dronlar ham sinovdan o‘tkazilgan. 

Iyul oyi oxirida Xitoy qurolli kuchlari mamlakat janubidagi Guansi-Chjuan muxtor viloyatida ham yirik harbiy o‘quv mashg‘ulotlari o‘tkazgan edi. 

Xitoy hukumatiga ko‘ra, Shinjon-Uyg‘ur muxtoriyatida "Sharqiy Turkiston" terrorchi tashkiloti faoliyat ko‘rsatib keladi. U, "Al-Qoida" kabi xalqaro terrorchi tashkilotlar bilan aloqa o‘rnatgani xabar qilinadi.

Mavzuga oid
Top