Rio—2016 Olimpiadasida erkin kurash bo‘yicha 97 kg. vaznda O‘zbekiston sharafini himoya qilgan sportchi Magomed Ibragimov chorak finalda kuchli raqibga imkoniyatni boy berdi.
Ozarbayjonlik Xetag Gazyumovga qarshi gilamga chiqqan Ibragimov 3:12 hisobida yutqazdi.
Endi u Gazyumovning yarim finaldagi ishtiroki natijasini kutadi. Agar Ozarbayjon vakili finalga yo‘l olsa, u bronza medal uchun kurashni davom ettiradi.
Shuningdek, 65 kg vazndagi bahslarda yarim finalga chiqqan yana bir kurashchi Ixtiyor Navro‘zov final ostonasida Rossiya vakili Soslan Ramonovga yutqazdi - 7:18.
U ham endi bronza uchun kurashadi.
