14:23 / 02.09.2016
12061

Dunyodagi eng uzun ko‘prik o‘z ishini to‘xtatdi

Xunan provinsiyasi Chjantszyatsze Milliy parkidagi Grand-Kanon uzra qurilgan dunyodagi eng uzun shisha ko‘prik vaqtinchalik o‘z ishini to‘xtatdi. Bu haqida China News Service agentligi xabar berdi. 

Shisha ko‘prik 20 avgust kuni test rejimida ochilgan edi. 

Agentlik ma'lumotlariga ko‘ra, 2 sentabrdan e'tiboran ko‘prik vaqtinchalik yopilgan. Xabar qilinishicha, ko‘prik tizimini dasturiy va qurilmaviy jihatdan yaxshilash maqsadida amalga oshirilgan. Ko‘prikning qachon mehmonlarni qabul qila olishiga oid ma'lumotlar berilmagan. 

Ko‘prikning uzunligi - 430 metr, kengligi - 6 metr, balandligi - 3 metr. Rekordchi ko‘prik 99ta uch qatlamli o‘ta mustahkam shisha panellardan tashkil topgan. Ko‘prik ishga tushgan vaqtida har kuni mahalliy vaqt bilan soat 7:00dan 17:00gacha xizmat qilgan. 

Ko‘prikda bir vaqtning o‘zida 600 nafar kishini ko‘tara oladi. 

Avvalgi rekord ham xitoy ko‘prigiga tegishli bo‘lgan. 2015 yilning kuzida Shinyuchjay Milliy parkida 180 metr balandlikda 300 metr uzunlikdagi ko‘prik ochilgan. Uning nomi - "Qahramonlar ko‘prigi". 
 

Top