Xitoyning Bishkekdagi elchixonasidagi terakt tashkilotchilari va ijrochilari shaxsi o‘rnatildi. Bu haqda Qirg‘iziston milliy xavfsizlik qo‘mitasi ma'lum qildi.
Terakt yuzasidan Tergov qo‘mitasi tomonidan "Terrorchilik" va "O‘qotar qurol, o‘q-dori, portlovchi moddalar va portlovchi qurilmalarni noqonuniy sotib olish, berish, sotish, saqlash, tashish va olib yurish" moddalari bo‘yicha jinoiy ish qo‘zg‘atilgan.
Tergovning aniqlashicha, terakt buyurtmachilari Suriyadagi "Jibhat an-Nusra" terrorchilik tashkiloti tomonidan boshqariladigan uyg‘ur terrorchilik guruhlari bo‘lgan.
Terakt ijrochilari: Qirg‘iziston fuqarosi, Osh viloyatining Nookat tumani Kuu-Maydon qishlog‘ida yashovchi, qirg‘iz, "Maksym Osh" korxonasi hisobchisi va o‘rindoshlik asosida "Adal Tur" turistik firmasi xodimi; O‘zbekistonning Andijon viloyati Buloqboshi tumanidagi No‘vak qishlog‘idan bo‘lgan, biroq Qirg‘izistonda yashovchi shu mamlakat fuqarosi
Terakt tashkilotchisi – "Adal Tur"ning Turkiyadagi vakili qidirilmoqda, u Istanbuldan teraktni tashkillashtirishning moliyaviy tomonlari bilan shug‘ullangan. Ma'lumotlarga ko‘ra, u hozirda Istanbulda.
Xorijlik hamkorlarga bu qidirilayotgan shaxslarni ushlash va Qirg‘izistonga topshirish iltimosi jo‘natilgan.