Pokistonda masjiddagi portlash oqibatida halok bo‘lganlar soni 25 nafarga yetdi, deb ma'lum qildi 16 sentabrda Afg‘oniston bilan chegaradosh Mohmand muxtor okrugi hukumati.
"Masjidning bir qismi va bolaxona portlash oqibatida ibodat qilayotganlar ustiga qulab tushgan. Vayronalar tagidan jasadlarni olmoqdamiz", deb aytdi okrug ma'muriyati vakili Navid Akbar.
Voqea juma namozi vaqtida yuz berdi. Akbarning aytishicha, masjidda ibodat vaqtida odamlar orasida bo‘lgan terrorchi-xudkush portlovchi qurilmani harakatga keltirgan.
Ayni vaqtda hech bir terrorchilik guruhi portlash uchun javobgarlikni o‘z zimmasiga olmagan.
