O‘tgan haftada Xitoyda ma'lumotlari paydo bo‘lgan yangi buklama smartfon -Samsung Galaxy Folder 2 surati ijtimoiy tarmoqlarda paydo bo‘ldi. Bu haqda Sammobile xabar bergan.
SM-W2017 surati dastlab Weibo mikrobloglar xizmatida tarqalgan.
Sammobile ma'lumotiga ko‘ra, yangi smartfon displeyi - 4,2 dyuym (Super AMOLED). Tashqi jihatdan buklama qurilma Galaxy J arzon liniya smartfonlarini eslatadi.
Galaxy Folder 2 to‘rt yadroli Qualcomm Snapdragon 820 protsessori, 64 Gb ichki va 4 Gb tezkor xotira, 12 megapikselli asosiy va 5 megapikselli old kameraga ega.
Qurilma Android 6.0.1 Marshmallow operatsion tizimida ishlaydi.
Smartfonning rasmiy narxi e'lon qilinganicha yo‘q, ammo uning 300 dollar atrofida sotuvga chiqishi kutilmoqda.
