BMT Bosh kotibi Pan Gi Mun seshanba kuni mamlakatlarni ahvoli ayanchliligicha qolayotgan 1,2 mln qochqinni qabul qilishga chaqirdi. Qochqinlar masalasi bo‘yicha o‘tkazilgan Sammitda chiqish qilgan AQSh prezidenti Barak Obama o‘tgan yil davomida faqat 100 ming nafar qochqingina yangi uyga ega bo‘lganini ta'kidlab o‘tdi.
"1,2 mln.ga yaqin qochqin turar-joyga ehtiyoj sezmoqda. Shunga qaramay, o‘tgan yilda 100 ming nafar qochqingina yashash uchun uyga ega bo‘lgan", - dedi u. Uning so‘zlariga ko‘ra, “ko‘plab davlatlar qochqinlar masalasi bo‘yicha dasturlar ishlab chiqishlari lozim”.
BMT ma'lumotiga ko‘ra, bugungi kunda yer yuzida 21 mln qochqin mavjud. Ularning 90 foizi Iordaniya, Eron, Keniya, Livan, Pokiston, Turkiya, Uganda va Efiopiya singari davlatlarda tarqalib ketishgan.
