Fuqaro T.Samiyev jinoyat ishlari bo‘yicha Toshkent viloyati Oqqo‘rg‘on tuman sudining hukmi bilan aybli deb topilib, unga 2 yil sinov muddati tayinlanadi. Peshku tumanida yashovchi Ziyoviddin Jo‘rayev esa uni shartli jazodan ozod qilish evaziga sudlanuvchining tanishi A.Xoliqovdan pul so‘raydi. Bu haqda “Huquq” nashri yozmoqda.
Ichki ishlar xodimi hisoblangan Z.Jo‘rayev 400 ming so‘m pulni A.Xoliqovdan olayotgan payt qo‘lga olindi.
Jinoyat ishlari bo‘yicha Buxoro viloyati sudining hukmiga ko‘ra, Z.Jo‘rayev O‘zbekiston Respublikasi JKning tegishli moddasiga binoan 3 yil mansabdorlik va moddiy javobgarlik lavozimlarida ishlash huquqidan hamda 6 yil muddatga ozodlikdan mahrum qilindi.
