Turkiyaning Istanbul shahrida yirik yo‘l-transport hodisasi oqibatida 11 kishi jabrlandi. YTH eng serqatnov yo‘llardan birida yuz bergan. Kuzatuv kameralari avtobus tezlashib, qarama-qarshi yo‘nalishga chiqib ketib, katta tezlikda mashinalar oqimiga urilganini qayd qilgan.
Bir nechta yengil mashinalar tanib bo‘lmaydigan darajaga kelgan.
Keyinroq ma'lum bo‘lishicha, YTHga avtobus yo‘lovchilaridan biri sabab bo‘lgan. U haydovchiga tashlanib, uni soyabon bilan ura ketgan. Oqibatda haydovchi boshqaruvni qo‘ldan chiqargan.
Bezori yo‘lovchi hibsga olingan. U YTHni ataylab uyushtirgani aniqlashtirilmoqda.