"Levada-sentr" o‘tkazgan so‘rovnomaga ko‘ra, Rossiya prezidenti Vladimir Putinning bu lavozimdagi faoliyatini 80 foizdan ko‘proq rossiyaliklar ma'qullamoqda. Bu haqda RIA “Novosti” axborot agentligi xabar bermoqda.
Putinning ishidan taxminan 18 foiz so‘ralganlar norozilik bildirishdi.
Dmitriy Medvedevning bosh vazir lavozimidagi ishini 48 foiz odamlar ma'qullashgan.
So‘ralganlardan yarmi davlat to‘g‘ri yo‘nalishda ketayotganiga ishonchlari komilligini aytganlar. Biroq hamma ham bunday fikr bildirmagan: 32 foiz so‘ralganlar "Rossiyadagi voqealar boshi berk ko‘chaga olib kirishini" aytishgan. 19 foiz so‘ralganlar bu savolga ishonch bilan javob berishi olmagan.
Shuningdek, so‘rovnomaga ko‘ra rossiyaliklar Putinga, mudofaa vaziri Sergey Shoyguga va tashqi ishlar vaziri Sergey Lavrovga eng ko‘p ishonishlari ma'lum bo‘ldi.
