Amerikaning sport kiyimlari ishlab chiqaruvchi mashhur Nike kompaniyasi “Real” hujumchisi Krishtianu Ronaldu bilan umrbod shartnoma imzolashi mumkin. Bu haqda Tribuna.Uz yozmoqda.
Hozirda shartnomaning moliyaviy tomonlari oshkor qilinmayapti. Ronaldu sentabr oyida Nike bilan 2021 yilga qadar shartnoma imzolagandi. Agar tomonlar bu borada kelishuvga erishadigan bo‘lsa, kompaniya Ronaldu bilan umrbod shartnoma tuzadi. Bugunga qadar kompaniya basketbolchi Maykl Jordan, braziliyalik futbolchi Ronaldo bilan ham shunday bitim imzolagan.
