Ispaniya chempionatining 7-turida Madridning “Atletiko” jamoasi safarda “Valensiya”ga qarshi to‘p surdi.
Uchrashuvning 44-daqiqasida Antuan Grizmann belgilangan penaltidan gol ura olmadi. Biroq Grizmann 63-daqiqaga kelganda baribir o‘z maqsadiga erishdi va “Valensiya” darvozasini ishg‘ol qildi. 69-daqiqada hakam yana bir marotaba “Valensiya” darvozasi tomon penalti belgiladi. Nuqtaga bu safar Gabi yaqinlashdi hamda uni aniq amalga oshira olmadi. Bu safar ham Diyego Alaves penaltini qaytardi. Shunga qaramay, “Atletiko” uchrashuvdagi ikkinchi golini kiritishga erishdi. Aniqrog‘i, 90+3-daqiqada Kevin Gameyro o‘z nomini tabloga yozdirdi va “matraschilar”ning 2:0 hisobida g‘alaba qozonishiga hissa qo‘shdi.
“Valensiya” – “Atletiko” – 0:2
Gollar: Grizmann 63, Gameyro, 90+3
Noaniq penalti: Grizmann, 44; Gabi, 69.
Ogohlantirishlar: Mangala, 60 – Luis, 28; Grizmann, 58; Mendesh, 82.
