15:35 / 03.10.2016
10915

Suriya armiyasi Chechenistonda tayyorgarlikdan o‘tishi mumkin

Foto: TACC

Checheniston respublikasi rahbari Ramzon Qodirovning bayonot berishicha, Suriyada chechenistonlik harbiy mutaxassislar yo‘q. Biroq, respublika suriyalik harbiylarni maxsus qo‘shinlarni tayyorlash markaziga taklif qilishga tayyor, deb xabar qilmoqda  RIA «Novosti» agentligi.

Qodirovning so‘zlariga ko‘ra, Checheniston Suriya armiyasi vakillarini o‘zining Gudermes shahridagi xalqaro maxsus bo‘linmalarni tayyorlash markaziga taklif qilishiga shay. 

«Nega mumkin emas...Suriyada terrorchilar bo‘lsa, biz esa hammamiz terrorchilarga qarshi kurashmoqdamiz», — deya qo‘shimcha qilgan Qodirov. 

Gudermes shahridagi xalqaro maxsus bo‘linmalar tayyorlash markazi 400 gektardan ortiq hududni egallaydi. Taktik mashqlar o‘tkaziladigan shaharchada haqiqiy ko‘p qavatli binolar barpo etilgan bo‘lib, ular yerusti va yerosti infratuzilmalariga ham ega. Maxsus bo‘linmalar jangchilariga 200 nafarga yaqin mutaxassis saboq beradi. 

Mavzuga oid
Top