Foto: vesti-ukr.com
Kiyevda Ukraina tarixiga oid yangi darslik tasdiqlandi. Ushbu o‘quv qo‘llanmasi Yevromaydon qatnashchisi, tarix fanlari nomzodi Pavel Polyanskiy tomonidan yozilgan, deb xabar qilmoqda Ukrainaning «Vesti» nashri.
Muallif so‘zlariga ko‘ra, mazkur darslik Ukraina ta'lim vazirligi tomonida maktablarda o‘rganish uchun tasdiqlangan.
«Menda Maydon haqidagi ma'lumotlar, bevosita ishtirokchi sifatida juda ko‘p. Donbassdagi urush haqidagi axborotlarni esa ochiq manbalardan oldim. Shu bilan birga, voqealarga baho bermadim», — degan darslik muallifi.
Polyanskiy kitobida qayd etilishicha, Yevromaydonga mamlakatning sobiq prezidenti Viktor Yanukovichning siyosati sabab bo‘lgan.
