Bugun Eron terma jamoasi Tehronda JCh-2018 saralash bosqichi doirasida Janubiy Koreyani qabul qiladi.
Bu uchrashuv musulmonlarning Ashuro bayramiga to‘g‘ri kelmoqda. Shu tufayli stadiondagi muxlislar o‘zlarini diniy bayramga munosib tutishadi.
Shu kuni shialar imom Husaynning halokatga uchraganini xotirlashadi va motam o‘tkaziladi.
«Stadiondagi muhit Ashuro kuniga 100 foiz darajada mos bo‘lishi kerak. Stadion qora rang bilan qoplanadi. Olomon bir bo‘lib «Ya Husseyn» hayqirig‘ini aytib turadi», – degan oyatulloh Ali Moxavedi Kermoniy.
75 ming kishilik «Ozodiy» stadioniga 2ta ulkan qora bayroq o‘rnatiladi. Har biri 600 kv metrlik hajmidagi bu bayroqlarga Husayn nomi bitilgan.
Janubiy Koreyalik futbolchilar va jurnalistlar mezbonlarni hurmat qilgan holda qora bog‘ichlarda maydonga tushishga rozi bo‘lishgan.
Manba — Tribuna.uz
