Foto: fcbarcelona.com
"Barselona" va Ispaniya terma jamoasi yarim himoyachisi Andres Inesta sport va halol o‘yin rivojiga qo‘shgan hissa uchun topshiriladigan nufuzli Qirolicha Sofiya mukofotining 2015 yilgi sovrindori bo‘ldi.
"Mukofot o‘yinchining jyentlmenlarga xos xatti-harakati, uning ijobiy prinsiplari va halol o‘yinga sodiqligini hamda u yosh avlod uchun maydonda va uning tashqarisida ajoyib o‘rnak bo‘la olishini ko‘rsatadi", deb ma'lum qildi "Barselona" sayti.
O‘tgan hafta 32 yoshli Inesta uchun esda qolarli bo‘ldi: u "Barsa" tarkibidagi 600-o‘yinini o‘tkazdi va undagi faoliyatining 20 yilligini nishonladi.
Manba: Tribuna.Uz
