O‘zi bog‘ichlanuvchi Nike Mag krossovkasi Gonkongdagi auksionda 104 ming dollarga sotildi. Bu haqda The Mashable nashri xabar bermoqda.
Xaridor nomi ma'lum qilinmagan. Olingan mablag‘lardan bir qismi Parkinson kasalligini o‘rganish bilan shug‘ullanuvchi J. Fox Foundation (MJFF) jamg‘armasiga yo‘naltiriladi.
Mashhur "Kelajakka qaytish" filmidagi o‘zi bog‘ichlanuvchi krossovkalarga o‘xshash ishlangan Nike Mag sentabr oxirida rasman taqdim qilingandi. Undagi maxsus texnologiya tortiluvchi bog‘ichlar krossovka egasining harakatlariga moslashish uchun ularga individual ravishda javob berib, krossovkaning qulay kiyib yurilishiga imkon beradi.
Krossovkalar savdoda kuz oxirida paydo bo‘ladi.
Nike kompaniyasiga 1964 yilda AQShda asos solingan va dastlab Blue Ribbon Sports deb atalgan. Uning bosh qarorgohi Oregon shtatidagi Biverton shahrida joylashgan.
