Tailand Futbol Federatsiyasi JCh—2018 3-saralash bosqichidan joy olgan Avstraliyaga qarshi bellashuv o‘tkaziladigan joyni ko‘chirishni so‘rab, FIFA, OFK hamda Avstraliya futboli rahbariyatiga murojaat qildi. Terma jamoa Tailand qiroli Pxumiponning o‘limi tufayli mamlakatda bo‘lib o‘tayotgan motam tufayli o‘yinni o‘z maydonida o‘tkaza olmasligini ma'lum qilgan.
«Biz umid qilamizki, Avstraliya terma jamoasi bizga qarshi ilk uchrashuvni o‘z maydonida qabul qilishga rozi bo‘ladi. Agar bunga kelisha olmasak, biz neytral maydon izlashimizga to‘g‘ri keladi. Gap o‘yin kunini emas, o‘yin o‘tkaziladigan joyni o‘zgartirish haqida bormoqda», — deya vaziyatga tushuntirish berilgan federatsiya tomonidan.
1946 yildan buyon taxtda bo‘lgan qirol Pxumipon 13 oktabr kuni 88 yoshida vafot etdi. Tailand hukumati yil oxirigacha mamlakatdagi barcha ko‘ngilochar va sport tadbirlarini bekor qilgan.
Tailandning Avstraliyaga qarshi o‘yini 15 noyabr kuni Bankokda bo‘lib o‘tishi belgilandi.
