11:45 / 19.10.2016
10203

Reuters: Afg‘on hukumati «Tolibon» bilan maxfiy muzokaralar olib bormoqda

Foto: Unian

Shu oyning boshlarida «Tolibon» harakatining yuqori lavozimli vakillari Afg‘oniston hukumati  mulozimlari bilan muzokaralar o‘tkazgan. Uchrashuv Qatarda tashkil etilgan, deya xabar qilmoqda Reuters agentligi vaziyatdan boxabar manbasiga tayangan holda. 

Muloqotning asosiy mavzusi Afg‘onistonda tinchlik o‘rnatish masalasi bo‘lgan. Rasmiy Kobul vakillari toliblardan o‘t ochishni butunlay to‘xtatish, qurollarni tashlab, rasmiy tinchlik muzokaralariga kirishishni talab qilishgan. 

O‘z navbatida, «Tolibon» vakillari guruhni rasmiy siyosiy harakat sifatida tan olishni, yetakchilari va qo‘mondonlarining ismi-sharifini xalqaro qidiruv ro‘yxatidan olishni hamda qamoqxonada saqlanayotgan tarafdorlarini ozod etishni  talab qilishgan. 

Manbaning so‘zlariga ko‘ra, mazkur uchrashuv ham avvalgilari kabi vaqtni bekorga sarf qilishdan iborat bo‘lgan. chunki, tomonlar muhokama etilgan mavzularning birontasi bo‘yicha kelisha olmagan. 

Top