Foto: Vikipediya
2016 yil boshidan O‘rta Yer dengizida 3740 muhojir cho‘kib ketgan yoki bedarak yo‘qolgan. Bu haqda BMTning qochqinlar ishlari bo‘yicha oliy komissari hisobotida ma'lum qilindi.
Hujjatda ko‘rsatilishicha, bu miqdor bunday statistika olib borilayotgan butun vaqtdagi eng katta ko‘rsatkichdir. Qochqinlar asosan Suriya, Afg‘oniston, Iroq, Nigeriya va Eritreyadan kelishmoqda.
2016 yilda Yaqin sharqlik muhojirlar Yevropa Ittifoqiga Gretsiya va Bolqon davlatlari orqali o‘tgan Bolqon yo‘nalishi to‘silgach, muhojirlarning asosiy qismi Italiya orqali kela boshlagan.
