Saudiya Arabistoni maxsus kuchlari 30 oktabrda AQShlik va malayziyalik hamkasblari bilan qirollikning shimoli-g‘arbida o‘quv mashg‘ulotlari boshlashdi, deb ma'lum qilmoqda SPA axborot agentligi.
Mashg‘ulotlar "Shimol nayzasi 2016" degan nom oldi. Unda uch davlatning quruqlikdagi qo‘shinlari, Saudiya Arabistonining harbiy-dengiz va harbiy-havo kuchlari ishtirok etmoqda. Mashg‘ulotlarning ochilish marosimida uch davlatning yuqori darajadagi zobitlari ishtirok etishdi.
"Bu mashg‘ulotdan maqsad tajribaga ega bo‘lish, u bilan do‘stlar bilan bo‘lishish va milliy manfaatlarga istalgan xavflarga qarshi kurashishga tayyorgarlik hisoblanadi", deb aytdi marosimda mashg‘ulotlarga qo‘mondonlik qiluvchi saudiyalik brigada generali Ali ibn Sair al-Anziy.
Ta'kidlanishicha, mashg‘ulotlar 13 noyabrgacha davom etadi.
