IShID rahbariyati Iroqning Mo‘sul shahrida qolayotgan jangarilarga shaharni tark etib, Suriyaga yo‘l olishni buyurdi. Bu haqda arab OAVga iqtibos keltirgan holda TASS axborot agentligi xabar bermoqda.
"Mo‘suldan olinayotgan ma'lumotlarga ko‘ra, IShID yetakchilari barcha jangarilarga Furot daryosining g‘arbiy va sharqiy sohillarini tark etib, Suriyaga yo‘l olishni buyurgan. Mo‘sul aholisi ikki yil ichida ilk marotaba o‘zini erkinroq his qila boshladi", deb aytilgan mahalliy telekanallardan birida.
Jurnalistlarning ma'lumotlariga ko‘ra, terrorchilarning ommaviy qochishiga Iroq hukumat armiyasining muvaffaqiyatlari sabab bo‘lmoqda. Jangarilar Mo‘sulni o‘z poytaxtlari deb atab, uni 2 yilga yaqin ushlab turgan. Biroq Iroq qo‘shinlarining bir qator operatsiyalari jangarilarni chegara orqali Suriyaga qochishga majbur qilgan. Jangarilar Suriyada to‘planayotgan joylardan biri Raqqa shahri bo‘lmoqda.
