Foto: © AP
Bo‘ydoqlar kuni munosabati bilan Alibaba internet-do‘koni tomonidan o‘tkaziladigan chegirmalar kunining ilk 5 daqiqasida umumiy xaridlar soni 1 mlrd dollarni tashkil qildi, deb yozmoqda “Interfaks”.
Xitoy kompaniyasi ushbu marosimga e'tiborni kuchaytirish maqsadida ochilish marosimiga aktrisa Skarlett Yoxansson, futbolchilardan Devid Bekhem va Tomas Myuller, basketbolchi Kobi Brayant hamda One Republic rok-guruhini taklif qilgan.
Ko‘plab tahlilchilarning fikriga ko‘ra, Alibaba’ning Bo‘ydoqlar kunidagi chegirmasi Amerikaning “qora juma” hamda “kiberdushanba”sini ortda qoldiradi.
