Qirg‘iziston Respublikasi mustaqilligining 25 yilligi munosabati bilan mamlakatdagi mingdan ziyod mahbus amnistiya akti tufayli ozodlikka chiqarildi. Bu haqda hukumat ma'lumotiga asoslanib, davlat jazoni ijro etish xizmati ma'lum qilmoqda.
"Davlat jazoni ijro etish xizmati Qirg‘iziston Respublikasining “Qirg‘iziston Respublikasi mustaqilligining 25 yilligini va 1916 yilgi milliy ozodlik harakatining 100 yiligi munosabati bilan amnistiya e'lon qilish to‘g‘risida”gi qarorini amalga oshirdi. Ushbu qaror ijrosi natijasida jazoni o‘tash muassasalaridagi 1277 mahbus ozod etildi", — deyiladi xabarda.
Qarorga binoan 1 ming 163 kishining jazo muddati qisqartirilgan. Shuningdek, manbaning ta'kidlashicha, 927 nafar mahbusga nisbatan jinoyat-ijroya inspeksiyasida amnistiya akti qo‘llanilgan.
