O‘tgan hafta mobaynida O‘zbekiston va xalqaro hayotda muhim voqealar sodir bo‘ldi, muhim qarorlar qabul qilindi, ko‘z ko‘rib, quloq eshitmagan hodisalar sodir bo‘ldi. Ana shu voqea-hodisalarning eng muhim va qiziqarlilari haftalik dayjestda.
“O‘zbekiston temir yo‘llari” tuzilmasi o‘zgardi
O‘zbekiston Respublikasi Vazirlar Mahkamasining 2016 yil 28 oktabrdagi 375-sonli qaroriga muvofiq, “O‘zbekiston temir yo‘llari” AJ tashkiliy tuzilmasiga o‘zgartishlar kiritildi.
Turkmaniston prezidenti bilan uchrashuv
O‘zbekiston bosh vaziri o‘rinbosari Ulug‘bek Rozuqulov Ashxobodda Turkmaniston prezidenti Gurbanguli Berdimuhamedov bilan uchrashdi.
O‘zbekistonda yangi elektr uzatish liniyasi qurilishi boshlandi
«O‘zbekenergo» AJ O‘zbekistonning shimoli-g‘arbiy qismida «220 kV li Taxiatosh IES — Xorazm nimstansiyasi — Sarimoy aholi yashash joyi (Xorazm viloyati) elektr uzatish liniyasi qurilishi» loyihasi doirasida yuqori voltli elektr uzatish tarmog‘i qurilishini boshladi.
O‘zbekiston va Rossiyaning “Yashil yo‘lagi"
O‘zbekiston va Rossiya noyabr oyi oxiriga qadar “Yashil yo‘lak” tizimi tashkil qilish borasidagi shartnomalarni imzolashi kutilmoqda.
Samarqand viloyatida 2 tuman hokimi almashtirildi
"Kattaqo‘rg‘on shahar hokimi Shuhrat Rahmonov o‘z arizasiga binoan vazifasidan ozod etildi. Bahodir Sayfullayevich Sa'dullayev viloyat hokimi tavsiyasiga ko‘ra shahar hokimi etib tasdiqlandi".
Afg‘onistonga O‘zbekiston tomonidan yordam
Toshkent nafaqat Qobulning Afg‘onistonda tinchlikni tiklash bo‘yicha sa'y-harakatlarini qo‘llab-quvvatlashini, balki "Tolibon" radikal guruhi bilan yarashuv jarayonini aniq harakatlar bilan qo‘llab-quvvatlashi mumkinligini ma'lum qildi.
Shavkat Mirziyoyev Donald Trampni tabrikladi
O‘zbekiston Respublikasi Prezidenti vazifasini bajaruvchi Shavkat Mirziyoyev 2016 yilning 10 noyabr kuni Donald Trampni saylovdagi ishonchli g‘alabasi va Amerika Qo‘shma Shtatlari Prezidentligiga saylanganligi munosabati bilan tabrikladi.
Yangi virtual qabulxona
2016 yilning 10 noyabr kuni O‘zbekiston Respublikasi Tashqi ishlar vazirligining rasmiy veb-sahifasida virtual qabulxona faoliyat yurita boshladi.
Abdulla Oripov Toshkentdagi «Chig‘atoy» qabristoniga dafn etildi
10 noyabr kuni O‘zbekiston xalq shoiri, O‘zbekiston qahramoni, O‘zbekiston davlat madhiyasi muallifi Abdulla Oripov vatanida yerga qo‘yildi.
Shavkat Mirziyoyev Abdulla Oripovning dafn marosimida ishtirok etdi va hamdardlik bildirdi
O‘zbekiston madhiyasi muallifi Abdulla Oripovning Do‘rmonda o‘tgan dafn marosimida O‘zbekiston prezidenti vazifasini bajaruvchi Shavkat Mirziyoyev ham ishtirok etgan va marhumning Do‘rmondagi hovlisida ta'ziya bildirish uchun kelganlarni kutib olgan.
Toshkentda fundamental va amaliy fizika masalalariga bag‘ishlangan xalqaro simpozium boshlandi
Simpoziumda jahonning 26 mamlakatidan 85 nafar fizik olim va tadqiqotchilar ishtirok etdi. Tadbirni O‘zbekiston Fanlar akademiyasi prezidenti akademik Shavkat Salixov va O‘zbekiston Milliy universiteti rektori, professor Avaz Maraximov qutlov so‘zi bilan ochib berdi.
The Financial Times: elektron hukumat — kelajakda O‘zbekistonning jadal rivojlanishini harakatlantiradigan kuch
Buyuk Britaniyaning The Financial Times gazetasida "O‘zbekiston: elektron hukumat vakillik demokratiyasi va davlat shaffofligini oshirishni ta'minlaydi" sarlavhasi ostida maqola chop etildi.
X5 Retail Group O‘zbekistondan meva-sabzavot xarid qiladi
O‘zbekistonda 8-10 noyabr kunlari bo‘lib o‘tgan I Xalqaro meva-sabzavot yarmarkasi doirasida xorijiy kompaniya va hamkorlar bilan amaliy uchrashuvlar tashkil etildi. Xususan, shunday muzokaralarning birida «Agro-Layn» va X5 Retail Group o‘rtasida 117 mln dollarlik shartnoma imzolandi.
Avtomobil haydovchilari orasidagi mish-mish naqadar asosli?
Facebook va Telegram kabi ijtimoiy tarmoqlaridagi xabarlarga ko‘ra, davlat avtomobil raqamlari: “platina”, “oltin”, “kumush” va “bronza” deb nomlangan to‘rt toifaga ajratilganini ko‘rish mumkin.
Dorixonalarda mavjud bo‘lishi zarur bo‘lgan dori vositalari va tibbiy buyumlar ro‘yxati tuzildi
O‘zbekiston Respublikasi Sog‘liqni saqlash vazirligining Dori vositalari va tibbiy texnikalar sifatini nazorat qilish bo‘yicha bosh boshqarmasi dorixonalarda mavjud bo‘lishi zarur bo‘lgan dori vositalari va tibbiy buyumlar ro‘yxati loyihasini tayyorladi.
O‘zbekiston Tayvan va Tibetning mustaqilligiga qarshi
O‘zbekiston Tayvan va Tibetni Xitoyning ajralmas qismi sifatida qabul qilishini tasdiqladi.
Saakashvili iste'foga chiqdi
Ukrainaning Odessa viloyati gubernatori Mixail Saakashvili iste'foga chiqqani haqida ma'lum qildi.
AQShning yangi 45-prezidenti
Donald Tramp Saylovchilar kollegiyasida 276 nafar saylovchiga ega bo‘lib, AQShning 45-prezidenti bo‘ldi.
AQShning yangi kuziri: Donald Tramp
Milliarder Donald Tramp AQSh prezidentlik saylovida g‘olib bo‘ldi. U bu lavozimga bir yilgina kurash olib borgani yo‘q. Milliarder ilk bora prezident bo‘lish orzusi xususida 30 yil muqaddam e'lon qilgan edi.
Janubiy Koreyada ilk marta prezident so‘roq qilinishi mumkin
«Prezidentni so‘roq qilish shu haftadayoq bo‘lib o‘tishi kutilmoqda. Lekin so‘roq o‘tkazilmasligi ham mumkin. U holda so‘roq Chxve Sun Silga hukm chiqarilganidan keyin o‘tkaziladi», — deya qayd etilgan Seul prokuraturasida.
Afg‘oniston parlamenti besh vazirni iste'foga chiqardi
Afg‘oniston parlamenti besamar faoliyati uchun uch nafar vazirni, shuningdek, ertasi kuni yana ikki nafar vazirni ishdan chetlatdi.
Qirg‘iziston prezidenti Jeenbekovni respublika bosh vazirligiga tayinladi
Qirg‘iziston prezidenti Almazbek Atambayev Sooronbay Jeenbekovni respublika bosh vaziri etib tayinladi.
Xitoyda yuqori martabali amaldor pora olgani uchun o‘lim jazosiga hukm qilindi
Xitoy Xalq siyosiy maslahatlashuv kengashining Guandun viloyatidagi qo‘mitasi sobiq raisi Chju Mingo 21 million dollar miqdorida pora olganlikda aybdor deb topilgan va uni qatl etish hukmi chiqarilgan.
Video: meksikalik qotil futbolchi
Internetda Meksikaning Tulansingo shahrida havaskor jamoalar o‘rtasida kechgan uchrashuv vaqtida o‘yin hakami Viktor Trexoning futbolchi tomonidan o‘ldirilishi tasvirlangan video paydo bo‘ldi.
Makgregor Alvaresni yengib, 2ta vazn toifasida chempion bo‘lgan UFC tarixidagi ilk sportchiga aylandi
Irlandiyalik aralash yakkakurash jangchisi, o‘rta yengil vaznda (61-66 kg) UFC jahon chempioni kamari sohibi Konor Makgregor yengil vazndagi (66-71 kg) jahon chempioni, amerikalik Eddi Alvaresga qarshi kechgan jangda g‘olib bo‘ldi.
Vitaliy Denisov Osiyoning oktabr oyidagi eng yaxshi futbolchilaridan biri sifatida e'tirof etildi
O‘zbekiston milliy terma jamoasi va "Lokomotiv Moskva klubi himoyachisi Vitaliy Denisov Football Channel Asia portali tomonidan oktabr oyida eng yaxshi o‘yin namoyish etgan osiyolik futbolchilar reytingida ikkinchi o‘rinni egalladi.
Argentinalik muxlislar Messining termadan ketishini talab qilishmoqda
Mahalliy matbuot bergan xabarlarga ko‘ra, Argentinaning Braziliyadan mag‘lubiyatga uchrashiga muxlislar jamoa sardori Lionel Messini ayblashmoqda.
Fortune jurnali yil tadbirkorini aniqladi
Fortune jurnali dunyoda tadbirkorlar orasidan eng yaxshilarini aniqlab oldi va «Yil tadbirkorlari» reytingini e'lon qildi.
