Foto: VVS
Gambiya Haagadagi Xalqaro jinoyat sudidan (XJS) chiqishga rasman tayyorlanmoqda. Bunga Afrika davlatlarining tribunalga pora berish ishlari sabab bo‘lgan.
BMT vakilining so‘zlariga ko‘ra, Gambiyaning XJSdagi a'zoligi 2017 yilning 10 noyabr kuni nihoyasiga yetadi.
Endilikda Gambiya o‘z qit'asi ichida XJSni tark etgan uchinchi mamlakat bo‘ladi. Bunga qadar tashkilotdan JAR va Burundi chiqib ketgan edi.
Gambiya axborot vaziri Sheriff Bodjang XJS afrikaliklar va ularning rahbarlarini kuzatmoqda, G‘arbning qilayotgan jinoyatlari esa e'tibordan chetda qolyapti, deb hisoblamoqda.
XJSning amaldagi prokurori Gambiya vakili Fatu Bensuda hisoblanadi.
