Madridning «Real» va Ispaniya terma jamoasi hujumchisi Alvaro Morata jarohat oldi.
Marca nashri bergan xabarga ko‘ra, futbolchi JCh-2018 saralash bosqichi doirasidagi Makedoniyaga qarshi uchrashuvida o‘zini yomon his qilgach, 60-daqiqada zaxiraga olingandi. O‘tkazilgan tibbiy ko‘rikdan so‘ng, futbolchi tizzaosti son mushagidan ikkinchi darajali jarohat olgani aniqlandi.
Morata «Atletiko» qarshi o‘yinni o‘tkazib yuborishi aniq. Uning qayta tiklanishi uchun taxminan bir oy ketishi aytilmoqda.
Bungacha «Real» klubi Madrid derbisida 5 nafar futbolchisining xizmatidan foydalana olmasligi mumkinligi xabar qilingandi. Jarohat olganlar orasida Serxio Ramos, Pepe, Kazemiro, Mateo Kovachich va Karim Benzema bor.
