Shveytsariyaning Philip Morris tamaki giganti sigaretalar savdosini to‘xtatishi mumkin. Bu haqda kompaniya ijrochi direktori Andre Kalantsopulos Bi-bi-siga bergan intervyusida ma'lum qilgan.
“O‘ylashimcha, bizda boshqa mahsulotlar ham bor deydigan payt keldi”, - dedi u. Qo‘shimcha qilinishicha, hukumatlar bilan sigaretalardan bosqichma-bosqich voz kechish borasidagi ishlar ham boshlangan.
«Umid qilamanki, bu yaqin orada sodir bo‘ladi», — dedi Kalantsopulos.
Avvalroq, Philip Morris IQOS – tutunsiz sigaretalarni sotuvga chiqargandi. Undagi tamaki maxsus yig‘uvchi tig‘lar yordamida qizdiriladi. Kichik mobil telefonga o‘xshash uskuna chekuvchiga kerakli bo‘lgan nikotin miqdorini tutunsiz olish imkonini beradi.
IQOS’ning insonga bo‘lgan ta'siri hozircha noma'lum, biroq Philip Morris’da ta'kidlanishicha, kompaniyaning yangi ishlanmasi oddiy sigaretalarga qaraganda kamroq zarar keltiradi.
