Fuqaro Temur Norqulov (ism-familiyasi o‘zgartirilgan) o‘zi yashab kelayotgan Jizzax tumanidagi uyining molxonasida qo‘lbola usulda yasalgan juvoz uskunasida paxta chigitidan kunjara va yog‘ ishlab chiqarayotganligi aniqlanib, huquqni muhofaza qiluvchi organlar tomonidan o‘tkazilgan tezkor tadbirda uning qilmishiga chek qo‘yildi.
“Huquq” gazetasining xabar berishicha, davlat sanitariya-epidemiologiya markazi mutaxassislarining xulosasiga ko‘ra, ashyoviy dalil tariqasida olingan yog‘ mahsulotlari inson salomatligi uchun xavfli ekanligi va tegishli talablarga javob bermasligi ma'lum bo‘ldi.
Albatta, jinoyat jazosiz qolmadi. O‘zining noqonuniy qilmishlari oqibatida jamiyatimizga va oilasiga moddiy-ma'naviy, tibbiy zarar keltirayotgan ayrim “olg‘ir” shaxslar ma'lum muddat mo‘may daromad topishlari mumkin, biroq ko‘za kunda emas, kunida sinadi, deyilganidek, ularning qilmishi fosh bo‘lishi ayni haqiqatdir.
