YeI hukumati internet orqali Skype va WhatsApp kabi muloqot qilish dasturlari va ilova foydalanuvchilarining shaxsiy ma'lumotlari xavfsizligiga tegishli talablarni kuchaytirmoqchi. Bu haqda Reuters agentligi xabar bergan.
"YeI ijro hukumati ayni damda aloqa operatorlari, internet orqali aloqa xizmatlarini taklif etayotgan kompaniyalarga nisbatan qo‘llaniluvchi bir qator qoidalarni kengroq tatbiq etish niyatida", - deya ta'kidlaydi agentlik. Endilikda kompaniyalar foydalanuvchilar muloqoti maxfiyligiga kafolat berishlari kerak bo‘ladi.
Xabarlarga ko‘ra, bunday talablar aks etgan ma'lumotlar himoyasi to‘g‘risidagi hujjat 2018 yilda kuchga kiradi.
Bunday holat aloqa bozoridagi teng bo‘lmagan vaziyatdan norozi bo‘lgan telekommunikatsiya kompaniyalari tomonidan murojaatlar bo‘lgach, yuz berdi.
Agentlik ma'lumotlariga ko‘ra, YeI rahbarlik organlariga muhokama uchun takliflar yanvar oyida rasman taqdim etiladi.
