Angliya chempionatining 16-turi doirasida Liverpuldagi «Gudison Park» stadionida «Everton» va «Arsenal» o‘rtasida kechgan bahsning oxirgi daqiqalari ikki jamoa muxlislarini ham hayajonda ushlab turdi.
O‘yinning oxirgi qismida mag‘lubiyatga uchrayotgan londonliklar butun jamoa bo‘lib hujumga o‘tgan. Jamoa darvozaboni Petr Chex esa golli vaziyatga ega bo‘lgan. To‘p ketma-ket raqib darvozasi tomon yo‘llangan, lekin har safar uning yo‘lidan himoyachilar chiqqan yoki darvozabon o‘zini ko‘rsatgan. Bu orada bosh bilan gol urishga harakat qilgan Chexning o‘zi darvoza ichiga kirib ketgan.
Bosim uyushtirilishiga qaramay, Venger shogirdlari vaziyatni o‘zgartira olishmagan va keyingi 4 oy ichidagi ilk mag‘lubiyatini qabul qilib olgan.
