«Barselona» rahbariyati jamoaning yetakchi hujumchisi Lionel Messining shartnomasini uzaytirish ustida ish olib bormoqda.
AS xabariga ko‘ra, Bartomeu Messiga 35 mln yevro (soliqlar bilan hisoblaganda 70 mln yevro) miqdorida yillik maosh taklif qilmoqchi. Ayni paytdagi shartnomaga ko‘ra futbolchi yiliga 24 mln yevro oladi.
«Barselona» bilan shartnomasini 2021 yilgacha uzaytirgan boshqa bir hujumchi Neymarning ham maoshi taxminan 35 mln yevroni tashkil qiladi.
Shu tariqa, Neymar va Messining bir yillik maoshi miqdori barcha soliqlarni qo‘shib hisoblaganda 140 million yevroni tashkil qiladi. «Barselona»ning yillik byudjyeti esa 695 million yevroga teng hisoblanadi.
