AQShning Virjiniya shtatidagi notijorat tashkiloti rahbari mamlakatning birinchi xonimi Mishel Obamani “poshnadagi maymun” deb atagani uchun ikkinchi bor ishdan bo‘shatildi. U Facebook’dagi o‘z sahifasida shunday yozuvlarni qoldirgan, deb xabar beradi Reuters.
NKO Clay County Development Corp kompaniyasi rahbari Pamela Teylor lavozimini tashkilotning irqchilikka qarshi siyosatini buzgani sabab tark etgan, biroq keyin yana qaytgan. Kompaniya qashshoq va keksa kishilarga yordam berish bilan shug‘ullanadi.
Ta'kidlanishicha, u Donald Trampning prezidentlik saylovlaridagi g‘alabasidan so‘ng o‘zining sahifasida “Oq uyda zamonaviy va chiroyli birinchi xonimni ko‘rishdan mamnun” ekanligi haqida izoh qoldirgan. Ayol Trampning rafiqasi Melanyani nazarda tutgan. Shu bilan bir qatorda, hozirgi birinchi xonim haqida “poshnadagi maymundan charchagani”ni yozgan.
Ushbu xabar oshkor bo‘lib, katta mojarolarni keltirib chiqarganidan so‘ng ayol G‘arbiy Virjiniya va NNT rahbariyati bilan kelishilgan holda ishdan bo‘shatildi.
