Noqulay ob-havo tufayli Toshkent xalqaro aeroporti faoliyatida ayrim o‘zgarishlar yuz berdi.
Tel-Aviv (HY-304 reysi), Bishkek (HY-778) va Parijdan (HY-252) parvoz qilgan O‘zbekiston Milliy aviakompaniyasining samolyotlari tuman sababli Toshkent aeroportiga qo‘na olmadi va O‘zbekistonning boshqa shaharlarida joylashgan zaxiradagi aeroportlarga yo‘l oldi.
Sankt-Peterburg (HY-632), Milan (HY-256) va London (HY-202), shuningdek, Istanbuldan (TK-368) parvoz qilgan samolyotlar ham noqulay ob-havo sabab Toshkent xalqaro aeroporti osmonida aylanib parvoz qildi va havo biroz yaxshilangach, aeroportga muvaffaqiyatli qo‘ndi.
