12:02 / 05.01.2017
10087
Qozog‘iston elchixonasi buxgalteri yirik miqdordagi pulni o‘g‘irlashda gumon qilinmoqda
Illyustrativ foto

Korrupsiyaga qarshi kurash milliy byurosi tomonidan Qozog‘iston respublikasining Belarus respublikasidagi katta buxgalteri Seydualiyev A. qo‘lga olingan. Bu haqda ma'muriyat matbuot xizmatiga asoslangan holda Nur.kz sayti xabar qilmoqda

Aniqlanishicha, Seydualiyev 2012-2015 yillar mobaynida qalbaki kassa xarajatlari orderlarini tuzish yo‘li bilan 207 ming AQSh dollari miqdoridagi byudjyet mablag‘larini o‘zlashtirgan. Hujjatlarda elchixona binosi qurilishi uchun bosh pudratchi «Aktivbiznesplyus» MChJga pul o‘tkazilgani qayd etilgan, deyiladi xabarda. 

Bundan tashqari, ushbu davrda Seydualiyev elchixonaga Belarus Respublikasi soliq idoralari tomonidan qaytarilgan 474 ming 883 dollar miqdoridagi qo‘shimcha qiymat soliqlarini ham o‘margan. 

Shu bilan jami noqonuniy o‘zlashtirilgan mablag‘ 681 883 AQSh dollarini tashkil etadi. 

Tergov jarayoni davom etmoqda.

Top